Attard (jew Ħ'Attard) huwa raħal li jinsab fl-iktar punt ċentrali tal-gżira ta' Malta. Flimkien ma’ Ħal Balzan u Ħal Lija jifforma parti mit-“Tliet Irħula” u ilu abitat mill-Perjodu Klassiku. Il-motto tradizzjonali Latin ta’ Ħ’Attard huwa “Florigera rosis halo” (“Infewwaħ l-arja bil-fjur tiegħi”) minħabba l-ħafna ġonna tal-fjuri u ġonna taċ-ċitru. Ħ’Attard huwa abbundanti b’ġonna pubbliċi, inklużi siġar u fjuri ornamentali, miżmuma mill-Kunsill Lokali. L-abitanti ta' Ħ'Attard huma magħrufa bħala Saraċini.